Бөтә яңылыҡтар
Йорт усағы
27 Февраль 2020, 18:11

Бактериялар үрсеүенә юл ҡуймағыҙ

Оҙаҡ ҡулланған губкала 360 төрлө бактерия йәшәргә мөмкин.

Роспотребнадзор белгестәре әйтеүенсә, һауыт-һаба йыуған губканы аҙнаһына бер тапҡыр булһа ла, яңыһына алмаштырып торорға кәрәк. Оҙаҡ ҡулланған губкала 360 төрлө бактерия йәшәргә мөмкин. Уның тышҡы яғында ла, эсендә лә ҡурҡыныс микроорганизмдар ҡайнаша һәм улар ваҡыт үткән һайын арта икән. Бактериялар сәләмәтлек өсөн зыянлы, төрлө ауырыу­ҙар, инфекцияларға (киҫкен эсәк ауырыуҙары, стафилококк) сәбәпсе булыуы ихтимал.
Белгестәр әйтеүенсә, ҡурҡыныс бактериялар раковинала, өҫтәлдә, тураҡлау таҡтаһында, һыуытҡыс тотҡаһында ла күпләп оялай. Шуға күрә, һәр ерҙе көн дә дезинфекциялап, йыуып, ҡоротоп торорға кәңәш ителә. Ҡоро урында бактериялар тиҙ үрсемәй. Аш бүлмәһе таҫтамалын һәм өҫтәл сепрәктәрен дә аҙнаһына бер тапҡыр йыуырға кәрәк.