Ҡорот шәп дауа!

Башҡорттар борон-борондан малсылыҡ менән шөғөлләнгән. Һөттән бик күп ашамлыҡ - ҡаймаҡ, май, ҡорот, эремсек, ҡатыҡ, айран әҙерләгән.

Ҡайһылары дауа өсөн дә файҙаланыла. Шуларҙың береһе - ҡорот. Ҡоротто һыуыҡ тейгәндә тирләү өсөн иҙеп эскәндәр. Ашҡаҙан ауырт­ҡанда, күңел болғанғанда, аппетит булмағанда ла ошо ризыҡ ҡотҡарған.

Йөрәк йыш ҡаҡһа, кеше тиҙ ҡабы­ныусан булһа, халыҡ табиптары ҡорот ашарға кәңәш биргән. Башҡорттар итле ашҡа, майлы һурпаға ҡорот һалып эсә, сөнки ул ашаған ризыҡты тиҙ эшкәртергә ярҙам итә, ашҡаҙан-эсәк юлдарын таҙарта. Ул аҡһымға, ферменттарға, микроэлементтарға, витамин­дарға бай.

Йомғаҡ һымаҡ киптерелгән ҡорот, һауа температураһы ниндәй булыуға ҡарамаҫтан, бер нисә йыл буйы боҙолмай, файҙалы сифаттарын да юғалтмай.