Аҡтан айырмаһын, Хоҙай

Саимә Сәфәрғәлиева:

- Әлфиә ҡыҙым Тамъян ауылында айрширский, голштинский тоҡомло һыйыр малы аҫрай. Ирем менән һөттән төрлө ризыҡ эшкәртеп, бына 5 йыл инде һатыуҙа ярҙам итәбеҙ. Май, эремсек, ҡаймаҡ, сыр, ҡоротто даими һатып алыусыларыбыҙ бик оҡшата.

Пастеризацияланған һөттө һүрән утта болғай-болғай 37 градусҡа тиклем йылытып, әсетке һалып, ярты сәғәттәй бутап торорға. Артабан эреткес (сычужный фермент) ҡушып, эремсек бөртөгө барлыҡҡы килһен өсөн 5 минутҡа ҡалдырып, ярты сәғәт дауамында 42 градусҡа тиклем йылытырға, шыйыҡсаһын һарҡытып, бер нисә тапҡыр әйләндереп формаларға һалырға. Артабан тоҙло һыуҙа 1-2 сәғәт тоторға.