Ҡабаҡ орлоғо файҙалымы?

* Ҡабаҡ орлоғо магнийға бай. Ул йөрәк эшмәкәрлеген яҡшырта, холестеринды кәметә. Гипертониянан яфаланғандарға ла килешә.

* Табиптар билдәләүенсә, ҡабаҡ орлоғо айырыуса ир-ат һаулығы өсөн файҙалы. Көс-ҡеүәтте юғалтмаҫ өсөн көн һайын 50-60 грамм ҡабаҡ орлоғо ашарға тәҡдим ителә.

* Иң файҙалыһы - ҡыҙҙырылмаған, ҡояшта киптерелгәне. Ҡыҙҙырғанда файҙалы үҙенсәлектәр юғала. Уны яҡшылап сәйнәргә кәрәк, юғиһә насар үҙләштерелә. Шулай ҙа көнөнә 100 грамдан күберәк ашарға ярамай.

Белгестәрҙең кәңәшен тыңлайыҡ, сәләмәт булайыҡ!

Һүрәт асыҡ сығанаҡтарҙан.