Йәшәүгә дәрт бирә

*Хөрмәлә бета-каротин күп. Ул күҙҙәр өсөн дә бик файҙалы, ҡартайыуҙы тотҡарлай.

*Көн дә ошо емеш менән туҡланған кешегә пневмония һәм бронхит ҡурҡыныс түгел. Тәмәке тартҡандар көн дә ашарға тейеш.

*Хөрмәләге калий һәм үҫемлек шәкәре йөрәк, шулай уҡ ашҡаҙан-эсәк эшмәкәрлеген көйләй.

*Ҡан тамырҙары тарайыуҙан, ҡан баҫымы юғарылығынан һәм эс ҡатыуҙан йонсоғандар өсөн бик мөһим аҙыҡ.

*Янған һәм ҡырҡылған урынға хөрмә иҙмәһен ҡаплаһаң, яралар тиҙерәк уңала.

*Бик яҡшы бәүел ҡыуҙырғыс булараҡ, бөйөргә яҡшы тәьҫир итә. 3-4 емеш ашап, артынан ҡайнар һөт эсһәң, һөҙөмтә тиҙ үк күренер.

*Хөрмәләге магний бөйөрҙәге тоҙҙарҙы сығара һәм уның эшмәкәрлеген яҡшырта.

*Ундағы тимер, микроэлементтар ярҙамында анемияны бөтөрөргә мөмкин. А һәм С витаминдарына бай.

*Һыуыҡ үткәндә, грипп менән ауырығанда, тамаҡ ауыртҡанда 1 хөрмә һутына 100 грамм йылы һыу һалып, бер нисә көн эсегеҙ, тамаҡ сайҡағыҙ һәм тиҙ һауығырһығыҙ.

*Депрессия ваҡытында көн дә кис хөрмә ашағыҙ. Ундағы магний, глюкоза һәм фруктоза нервыны тынысландыра, йоҡоно көйләй, йәшәүгә дәрт бирә.

*Ҡалдыҡтарын ташларға ашыҡмағыҙ. Һытҡылы, эре күҙәнәкле бит тиреһе өсөн хөрмә иҙмәһенә 1 йомортҡа һарыһын ҡушып, яҡшылап болғатҡас, биткә һылап, 20 минут тотоғоҙ. Һуңынан йыуығыҙ. Һытҡылар кәмей, бит тиреһе шымара.

Фото асыҡ сығанаҡтарҙан.