+4 °С
Ясна
Бөтә яңылыҡтар
Файҙалы кәңәштәр
11 Декабрь 2020, 14:53
Таж зәхмәтенән һаҡлаймы?
Пандемия арҡаһында бөгөнн ялған иҫерткестәр проблемаһы айырыуса киҫкен
Һуңғы вакытта имеш тә алкоголь коронавирустан һаҡлай икән тигән хәбәр тарала. Бындай мәғлүмәткә күптәр иҫе китеп ышана. Әммә табиптар был фаразды кире ҡаға.
“Алкоголь коронавирустан һаҡламай. Пандемия халыҡтың иҫерткес эсемлектәр ҡулланыу проблемаһына сиктән тыш кире йоғонто яһай”, - ти Стәрлетамаҡтағы 2-се республика наркология диспансерының баш табибы, медицина фәндәре докторы, профессор Азат Әсәҙуллин.
Уның әйтеүенсә, пандемия кешеләрҙә ҡурҡыу хисе арттыра, депрессияға бирелеүселәр һаны кинәт күбәйә. “Шуға кешеләр алкоголде “антидепрессант” булараҡ ҡабул итә башлай”, - ти табип.
Ә шул уҡ ваҡытта пандемия башланғандан алып, бар илдәге кеүек, Башҡортостанда ла наркология ярҙамы һорап мөрәжәғәт итеүселәр һаны артҡан. “Төп сәбәп - социаль ҡурҡыу, ул күбеһенсә коронавирусты дауалауҙа спирттың роле тураһындағы ялған мәғлүмәт менән көсәйтелә. Икенсеһе - бәйлелеге булған пациенттарҙы дауалаған ҡайһы бер учреждениеларҙың ковид-госпиталь итеп үҙгәртелеүе”, - ти Азат Әсәҙуллин.
Табип шулай уҡ суррогат алкоголдең ҙур хәүеф икәнлеген дә белдерҙе. “Бындай алкоголь, тәү сиратта, ағыуланыуға килтерергә мөмкин, - ти нарколог. - Беҙҙең пациенттарҙы алһаҡ, уларҙың 70-86 проценты өй шарттарында йәки суррогат алкоголь ҡулланған. Шуны танырға кәрәк: пандемия арҡаһында бөгөнн ялған иҫерткестәр проблемаһы айырыуса киҫкен”.
Читайте нас:
© 2024 Башҡортостан Республикаһы Мәләүез районы "Көнгәк" ижтимағи-сәйәси гәзитенең рәсми сайты.
Сайт общественно-политической газеты г. Мелеуз и Мелеузовского района Республики Башкортостан «Конгэк».
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.
Баш мөхәррир Абдрахманова Л.А.
Электрон почта
Адресы
Башҡортостан республикаһы, Мәләүез ҡалаһы, Воровский урамы, 6-сы йорт.
Телефон
+7 (347-64) 3-52-07