Талпандар ҡурҡып һеҙҙе урап үтәсәк
Бөтә яңылыҡтар

Йоҡла, йоҡла, йом күҙең...

Төнгө сменала эшләйем. Шуныһы ҡыйын: ял итер ваҡыт етһә, күҙ лупалай упайып, әйләнеп-тулғанып тик ятам, башҡа төрлө уйҙар килә башлай. Нисек итеп йоҡо мәлен яйға һалырға икән? И.Ә.

  • Халыҡ аҡылын, интернет селтәрен байҡап, әүен баҙарына барып ҡайтыуҙың бер нисә ысулын белдек. Йоҡо ҡасһа, йылытылған һөткә бер ҡалаҡ балды болғатып эсеү яҡшы һөҙөмтә бирә.

Икенсе ысул тын алышты яйға һалыуға бәйле. Өйрәнергә теләгегеҙ булһа, башланыҡ! Уның бер ҡыйынлығы юҡ: иренегеҙҙе саҡ ҡына асып, тынығыҙҙы сығарып бөтөрөгөҙ. Унан ирендәрҙе ябып, 4-кә тиклем һанап, танау аша һауа тартығыҙ. 7-гә тиклем һанағансы, һулаған һауаны сығармайынса, түҙегеҙ. Унан 8-гә ҡәҙәре һанап, һауаны ауыҙ аша сығарығыҙ.

Был күнегеүҙе эшләгән ваҡытта тын алыуығыҙға иғтибар итегеҙ. Ун тапҡыр ҙа шул рәүешле тын алыу етә, йоҡлап киткәнегеҙҙе һиҙмәй ҙә ҡалырһығыҙ.

Шуны ла онотмағыҙ: йоҡо алдынан саф һауала йөрөп инеү, йоҡлар бүлмәне елләтеү ҙә яҡшы һөҙөмтә бирә.

Автор:Аклима Имамова
Читайте нас: