Тәмле булһын аштарыбыҙ, шифа булһын ризыҡтарыбыҙ!

Кемдер уны бәпкә, йә балтырған ашы тип йөрөтә. Ә һеҙ уны быйыл ашанығыҙмы?

Йомортҡа һытып ыумас ыуып, бер-ике картуф менән ҡайнап торған тоҙло һыуға һалырға. Бәпкә үләнен турап, йомортҡаға болғап, бешеп сығыр алдынан йәшел һуған турап һалырға. Табынға ҡатыҡ, ҡаймаҡ менән бирергә. Үҙебеҙҙең тыуған ерҙә үҫкән үләндәр – дауа, ҡәҙерҙәрен генә беләйек. Тәмле булһын аштарыбыҙ, шифа булһын ризыҡтарыбыҙ!