Йәшерен һәләттәрегеҙҙе асыҡларға теләһәгеҙ, түбәндәге һорауҙарға яуап бирегеҙ.
1. Эш урының яу яланына оҡшаш. Быға нисек ҡарайһың?
а) тәртипкә килтерәм (3 мәрәй);
б) иғтибар итмәйем (2 мәрәй);
в) хеҙмәттәштәремдән ярҙам һорайым (1 мәрәй).
2. Дуҫтарығыҙ менән нисек ял итеүҙе хуп күрәһегеҙ?
а) һөйләшеп ултырыуҙы, аралашыуҙы (2 мәрәй);
б) кафеға барып ултырыуҙы (1 мәрәй);
в) тәбиғәткә сығып, байрам итеүҙе (3 мәрәй).
3. Аҡсаң булһа...
а) хыялдағы йортоңдо һалыр инең (2 мәрәй);
б) донъя буйлап сәйәхәткә сығыр инең (1 мәрәй);
в) берәй файҙалы эшкә тотонор инең (3 мәрәй).
4. Ошо һөнәрҙәрҙең һинең өсөн иң мауыҡтырғысы?
а) инженер (1 мәрәй);
б) модельер (2 мәрәй);
в) сәйәхәтсе (3 мәрәй).
5. Ниндәй сифатты иң насары тип иҫәпләйһең?
а) рәхимһеҙлек (1 мәрәй);
б) эгоизм (3 мәрәй);
в) мыжыҡлыҡ (2 мәрәй).
6. Ял көнө ямғыр яуа, нимә эшләйһең?
а) йоҡлайым (3 мәрәй);
б) телефондан һөйләшәм (1 мәрәй);
в) өй эштәре менән булам (2 мәрәй).
6-9 мәрәй. Һеҙҙең иң көслө һыҙатығыҙ – ул аралашыусанлыҡ. Һәр саҡ кеше араһында булыуҙан, яңы танышлыҡтан ләззәт алаһығыҙ. Дуҫтарығыҙ бик күп, бер ваҡытта ла төшөнкөлөккә бирелмәйһегеҙ.
10-14 мәрәй. Яңынан-яңы үҙенсәлекле уй-ниәттәр башығыҙҙа тыуып ҡына тора. Байрам ойоштороу, бүләкте үҙ ҡулығыҙ менән эшләү һеҙҙең өсөн ҡыйын түгел. Яҡындарығыҙға күңел йылыһын йәлләмәйһегеҙ.
15-18 мәрәй. Һеҙҙе кешеләрҙең күпселеге өсөн ят булған хәл-ваҡиғалар ылыҡтыра. Хатта иң ҡатмарлы мәсьәләне лә хәл итеү юлын мотлаҡ табаһығыҙ. Ҡыйынлыҡтарҙы еңеү – һеҙҙең төп һыҙат.