БПЛА операторы: "Космос" күк һаҡсыһы

Махсус хәрби операция яугиренең алғы һыҙыҡта тыныс булғанда һәм кистәрен генә бәйләнешкә сығыуы тураһында әйтте. Был бик һирәк була, әммә шундай мәлдәрҙең береһендә беҙ аралаша алдыҡ.

«Космос» позывнойлы яугир пилотһыҙ осоусы аппараттар өлкән операторы вазифаһында хеҙмәт итә. Ул Мәләүездә тыуған. 7-се мәктәптә 9-сы класҡа тиклем уҡый. Яугир әйтеүенсә, уҡыуҙа ул яҡшылар араһында булмай, әммә килешеп йәшәй белгән. Мәләүез күп профилле колледжында һыуытҡыс ҡорамалдары мастеры һөнәрен ала, шунан һуң вахта ысулы менән эшләй. 2024 йылда яҡташыбыҙ Рәсәй Федерацияһы Оборона министрлығы менән контракт төҙөргә ҡарар итә һәм махсус хәрби операция зонаһына юллана. Беҙҙең әңгәмә егеттең хәрби хеҙмәт юлы тураһында башланды.

- Нисек алғы һыҙҙыҡҡа эләктегеҙ? Был аңлы һайлау булдымы, әллә шарттар шулай килеп сыҡтымы?

- Патриотизм тойғоһо тәү сиратта булды. Мин ошо юлды аңлы рәүештә һайланым. Махсус хәрби операция башланғас, башҡалар кеүек үк мин дә ул оҙаҡҡа һуҙылыр, тип уйламағайным. Башта бер дуҫым хеҙмәт итергә китте, һуңынан - икенсеһе. Ныҡлы уйланым да, ситтә ҡалмаҫҡа ҡарар иттем. Тыуған илде нисек яҡларға кәрәклеген белергә һәм Бөйөк Ватан һуғышы ваҡытында атай-олатайҙарыбыҙға нимә аша үткәнен аңларға теләнем.

- Һеҙҙең һайлауығыҙға яҡындарығыҙ нисек ҡараны?

-Әсәйем ҡаршы булды, әлбиттә, һәм был аңлашыла ла, сөнки мин - уның берҙән-бер улы. Бер көндө документтарҙы тултырыуын һораным, был эш өсөн кәрәк һәм характеристика талап ителә, тип аңлаттым. Ул, бер ни ҙә һиҙмәйенсә, минең үтенесемде үтәне, ә икенсе көндө кәрәкле ҡағыҙҙарҙы хәрби комиссариатҡа алып киттем. Әлеге ваҡытта әсәйем һәм туғаным һәр ваҡыт миңә ярҙам итә - был көсөргәнеш менән көрәшергә ярҙам итә.

- Һеҙҙең өсөн бөгөнгө тормошта иң мөһиме нимә?

-Иң мөһиме, тере ҡалыу һәм тыуған ергә еңеү менән ҡайтыу. Бөтә егеттәргә лә шуны теләйем. Махсус хәрби операция зонаһына килеп еткәс, мине штурмлаусыларға тәғәйенләнеләр. Беҙ бер нисә ауылды һәм бер нисә саҡрым ағаслыҡты баҫып алдыҡ.  Минең беренсе хәрби бурысым - бәләкәй ауылға инеү. Тирә-яҡты белмәү һәм унда нимә булғанын күрмәү бик ҡурҡыныс булды. Әммә артабанғы бурыстар күпкә ҡатмарлыраҡ булып сыҡты. Тап ошо мәлдәрҙә өйҙән килгән йылы һүҙҙәр ни тиклем мөһим булыуын аңлайһың. Киләсәк тураһында уйҙар, командирҙар һәм яҡындарымдың ярҙамы рухты һаҡларға һәм ҡулдарымды төшөрмәҫкә ярҙам итә.

- Хеҙмәтегеҙҙә иң ауыры нимә?

-Хеҙмәт итергә килгәндә, тәүге көндәрҙән интенсив хәрби әҙерлек үттем: ул дрондан ҡасыу, элемтә булдырыу, окоптарҙа эшләү һәм биналарҙы таҙартыуҙы үҙ эсенә алды. Хәҙер беҙҙең төп бурыс - урынға барып етеп, төпләнергә. Һауанан даими һөжүм итәләр. Алға барырға һәм позицияларҙы штурмлап алыу еңел түгел.

- Ә һеҙҙең подразделениела мөнәсәбәттәр нисек? Хеҙмәттәштәрегеҙ араһында дуҫтарығыҙ бармы?

-Беҙҙең бригадала дуҫтарса мөхит. Һәр кем, әгәр кемдер нимәнелер аңламаһа, ярҙамға килергә һәм кәңәш бирергә әҙер. Беҙ барыбыҙ ҙа бер ғаилә кеүек, берҙәм. Мин бында күп дуҫтар таптым һәм, ҡыҙғанысҡа ҡаршы, ҡайһы берҙәрен юғалттым, сөнки бер нисә минут эсендә нимә буласағын бер ҡасан да белмәйһең.

- Командирҙарығыҙҙы нисек баһалайһығыҙ? Һеҙҙең өсөн уларға ышаныу нимәне аңлата?

-Улар һине ҡурҡыныс аҫтына ҡуймаясаҡ һәм һине һәр ваҡыт дрон ярҙамында күҙәтә, шулай итеп, бер кем дә яҡынлашып һөжүм итә алмаясаҡ. Мин үҙ ғүмеремде командирҙарға тулыһынса ышанып тапшырам.

- Бергә хеҙмәт иткән егеттәр һеҙҙе ҡотҡарғаны булдымы?

-Эйе, бер көн беҙ ауылды баҫып алдыҡ. Беҙгә дошман формаһына кейенергә һәм уның позицияларына үтеп инергә кәрәк ине. Бик ҡурҡыныс булды, әммә эргәлә булған дуҫым миңә ярҙам итте һәм ышаныс өҫтәне. Уның ярҙамында мин бурысты үтәй алдым.

- Наградағыҙ бармы һәм ни өсөн? Был тәжрибәнән үҙегеҙ өсөн ниндәй төп һабаҡ алдығыҙ?

-Эйе, «Батырлыҡ өсөн» миҙалы, «Батырлыҡ» ордены һәм «Гусар тәреһе» һәм «Гусар бысағы» бригада наградалары бар.

Икенсе хәрби заданиела, мин әле штурмовик булып хеҙмәт иткәндә, Өфөнән «Бумер» ҡушаматлы иптәшем менән йорттарҙы таҙарттыҡ. Ул да йәш, минең тиҫтерем. Беҙ өс бинаны тикшерергә тейеш инек. Беренсеһен тулыһынса ҡарап сыҡтыҡ, унда береһе лә булманы. Икенсеһенә лә индек, барыһы ла яҡшы. Өсөнсө йортта беҙ тикшереүҙе тамамланыҡ һәм подвалға төшә башланыҡ, унда ҡулында автомат тотҡан 10-11 йәшлек Алиса исемле ҡыҙҙы күрҙек. Патрондары булмаһа ла ҡорал тотоп ултырған була. Ул күҙ йәштәрен түгә-түгә беҙгә табан атланы һәм хәле етмәй, беҙҙең ҡулға йығылды. Беҙҙә энергетик һәм бер нисә «Сникерс» батончигы ғына бар ине, уларҙы рәхәтләнеп ашап-эсеп алды. Хәле булмағанлыҡтан кескәй генә, ябыҡ ҡына ҡыҙҙы күтәреп, һигеҙ-туғыҙ саҡрым самаһы алып барҙыҡ. Мин арығанда, уны «Бумер» алып барҙы, ул арыһа – мин күтәрҙем. Алисаның үҙе атлап барырға көсө бөтөнләй юҡ ине. Беҙҙең менән бригадала бер ай самаһы булды. Һуңынан хәрби задание үтәгәндә минаға эләгеп яраландым, мине Һамарға госпиталгә оҙаттылар. Алисаны үҙем менән алып киттем. Ул әле унда, балалар йортонда. Аралашып торабыҙ, әммә һуңғы ваҡытта уның менән дуҫы аша ғына бәйләнешкә инәм. Кәрәк булғанда финанс яҡтан да ярҙам итергә тырышам. Мин хатта әсәйемә был һөйкөмлө һәм яҡшы ҡыҙыҡайҙы беҙгә ғаиләгә алырға тәҡдим иттем. Был - минең иң яҡынлашып килгән отпускымдың бер маҡсаты.

- Һирәк булған тынлыҡ минуттарында нимә тураһында уйлайһығыҙ?

-Тыныс минуттар һирәк бында, ысынын әйткәндә. Әммә Тыуған ил һәм яҡындар хаҡында уй баштан сыҡмай. Йорт һатып алырға һәм ғаилә ҡорорға хыялым бар. Еңеү менән ҡайтҡан осраҡта ул мотлаҡ үтәләсәк.

- Һеҙҙеңсә, алғы һыҙыҡтағы яугиргә ниндәй сифаттар кәрәк?

-Ҡыйыулыҡ һәм изгелек. Тик Рәсәй армияһы һалдаттары ғына хеҙмәттәштәрен ҡотҡарыу өсөн үҙ ғүмерен бирергә әҙер. Һәм был хаҡта барыһы ла белә. Беҙҙең яугирҙәр - ул һәр ваҡыт намыҫлы булыу, батырлыҡ, ғәҙеллек, фиҙаҡәрлек һәм иң мөһиме - Тыуған илеңә сикһеҙ һөйөү тойғоһо.

Көн һайын Данил әсәһе Светлана Федоровна менән бәйләнешкә сығырға ваҡыт таба. Уның өсөн иң ҙур бүләк - улының иҫән-һау ҡайтыуы.

Баҫалҡылыҡ - мәҡәләбеҙ геройының төп һыҙаттарының береһе. Төплө әҙерлек үткәндән һуң, “Космос” позицияны биләй һәм иң квалификациялы пилотһыҙ осоу аппараттары операторҙар рәтендә. Әлеге ваҡытта ул дошманға разведка, күҙәтеү һәм нөктәле һөжүмдәр үткәреү менән бәйле бурыстарҙы үтәй.

Бындай егеттәр менән Еңеү көнө яҡынлаша! Беҙҙең әңгәмә ошондай юғары нотала тамамланды.