Башҡортостан яугирҙәре һынатмаҫ!

«Башҡортостан» мотоуҡсылар полкы командирының хәрби-сәйәси эш буйынса урынбаҫары, «Башҡортостан геройҙары» кадрҙар программаһының Йәмәғәт советы ағзаһы Александр Мельченко махсус хәрби операцияла ҡатнашыусыларға тыныс тормошта  яңы белем алыу мөмкинлеген биргән проект тураһында үҙ фекере менән уртаҡлашты.

"Тәү сиратта был, әлбиттә, шәхси үҫеш  мөмкинлеге биргән  башланғыс. Уҡырға бер ҡасан да һуң түгел, кешелә белемгә ынтылыш һәр ваҡыт булырға тейеш, — тип билдәләне офицер. - Үҙеңде күрһәтеү һәм файҙа килтереү өсөн иҫ киткес мөмкинлек. Һуғыш ҡасан да тамамланасаҡ. Һәм был проект кешегә үҙен икенсе өлкәлә табырға мөмкинлек бирә. Йәғни,  был юғары квалификациялы кадрҙар майҙансығы буласаҡ, - тип өҫтәне Александр Мельченко.

Хәтерегеҙгә төшөрәбеҙ, «Башҡортостан Геройҙары» программаһы 2025 йылдың февралендә старт алды. Радий Хәбиров хәрби хеҙмәткәрҙәр өсөн мөһим кадрҙар проектының башланыуы тураһында иғлан итте. Проекттың маҡсаты — махсус хәрби операцияла ҡатнашыусылар араһынан идарасыларҙың яңы быуынын әҙерләү, тип билдәләне Башҡортостан башлығы. Программа Рәсәй президенты Владимир Путин ҡушыуы буйынса тормошҡа ашырыла һәм «Геройҙар ваҡыты» федераль проектының дауамы булып тора.  БР Башлығы Радий Хәбиров программаның дауам итәсәген һыҙыҡ өҫтөнә алды. "Беҙ ветерандар һәм махсус хәрби операцияла ҡатнашыусылар өсөн кадрҙар программаһына етди ҡарайбыҙ. Ул үҙ миссияһын — республикаға хеҙмәт итеү теләген күргәндәр өсөн, — тип билдәләне. - Беҙ барыбер хәрби хеҙмәткәрҙәрҙе идара итеү структураларында күберәк күрәбеҙ.  Бөгөн  70 кеше уҡый, һәм беҙҙең бурыс - уҡыу тамамланғас, уларҙы хеҙмәткә саҡырыу. Ҡайһы берәүҙәр был хеҙмәтте үҙләштереп уңышлы эшләй ҙә инде. Уларҙың барыһына  ла лайыҡлы урын табылыр, тип уйлайым. Башҡортостан Башлығы шулай уҡ республиканың үҙ яҡлаусылары хаҡында хәстәрлек күреүен дауам итәсәген һыҙыҡ өҫтөнә алды.

https://www.bashinform.ru/news/svo/2026-07-08/zamkomandira-polka-bashkortostan-vyskazalsya-o-programme-dlya-veteranov-svo-4658662