Мәләүездә яугир ғаиләләрен хәстәрләйҙәр

Бөгөн МХО яугирҙәренә һәм уларҙың ғаиләләренә ярҙам күрһәтеү - төп бурыстарҙың береһе.

Республикала яугирҙәргә һәм уларҙың яҡындарына төрлө ярҙам күрһәтелә. Бынан тыш район-ҡала хакимиәттәре үҙ сараларын булдыра.

Был йәһәттән мәләүездәр ҙә әүҙем.

Һалдат ғаиләләрен утын менән тәьмин итеү - хәстәрлек сараһының береһе. Шәхси йортта һәм ауыл ерендә йәшәүселәр өсөн  бигерәк тә.

Ошо көндәрҙә Сәйет ауылында ире контракт буйынса хеҙмәт иткән Гүзәлиә Родионоваға утын ҡайтарылған.

- Биләмәлә йәшәгән яугир ғаиләһенә утын әҙерләп бирҙек. МХО-ла ҡатнашҡан яҡташыбыҙҙың ҡатыны Гүзәл Таһир ҡыҙының мөрәжәғәте ыңғай хәл ителде.

Ил һағындағыларҙы хәстәрләү беҙҙең төп бурыстарҙың береһе,  - ти Денис ауыл биләмәһе башлығы Илфат Байсурин.

Яугиргә ғаиләһе һәм яҡындары янына иҫән-һау әйләнеп ҡайтырға насип булһын, тип теләйбеҙ. 

Фото архивтан.