Уҡытыусы 500 мең һум ағсаһынана "ҡолаҡ ҡаҡҡан"

Башҡортостан Эске эштәр министрлығы хеҙмәткәрҙәре мутлашыу тураһында сираттағы эш ҡуҙғатты. Был юлы Ғафури районының Сәйетбаба ауылынан 53 йәшлек уҡытыусы алданған. Ул социаль селтәрҙәрҙә тиҙ һәм еңел эш хаҡы вәғәҙә иткән рекламаны күрә һәм үҙенең көсөн инвестицияларҙа һынап ҡарарға ҡарар итә. Реклама инструкцияларына ярашлы, ҡатын үҙенең телефонына банк иҫәбе менән идара итеү өсөн онлайн ҡушымталар ҡуя. Һуңынан ул кредит ала һәм үҙенең аҡсаһын күрһәтелгән иҫәптәргә күсерә. Ике аҙнанан һуң мутлашыусылар сумманың 20 проценты күләмендә өҫтәмә иғәнә талап итә башлай, шулай итеп, ул аҡсаһын сығара ала. Ошо мәлдә уҡытыусы алдашыуҙа шикләнә башлай. Башта ул куратор менән бәйләнешкә инергә маташа, әммә ул бәйләнешкә сығыуын туҡтата. Һөҙөмтәлә уҡытыусы 500 мең һум аҡсаһын юғалта.