Өс бала янғында һәләк булған

Көньяҡ урамындағы ике фатирлы ағас йортта янғын сыға, уның ҡорбандары өс бәлиғ булмаған бала була. Янғын һүндереүселәр килгән мәлдә бина эсе утҡа солғанған була. Уны һүндереү өсөн  28 кеше һәм 13 берәмек махсус техника йәлеп ителә.  Ғәҙәттән тыш хәлдәр министрлығы  хеҙмәткәрҙәре фатирҙан дүрт һәм ике йәшлек малайҙың һәм алты йәшлек ҡыҙҙың кәүҙәләрен сығара. Фажиғә урынына Нефтекама прокуроры Рөстәм Раянов юлланды. Күҙәтеү ведомствоһы ҡарауһыҙлыҡты иҫкәртеү тураһындағы ҡануниәтте үтәүҙе, социаль хәүефле хәлдә ғаиләләр менән эшләүҙе, шулай уҡ янғын хәүефһеҙлеге талаптарын үтәүҙе баһалаусы тикшереү башланғысы менән сығыш яһаны. Ҡағиҙә боҙоуҙар асыҡланһа, прокуратура реакцияһы башлана. Башҡортостандың тәфтиш комитеты ошо осраҡ буйынса енәйәт эше ҡуҙғатты.