+12 °С
Болотло
Өфөлә, 31 мартта, киске сәғәттәрҙә ҡотҡарыусыларға ярҙам һорап мөрәжәғәт килә. Өфө йылғаһы уртаһында Цимлянская урамы, 22 тирәһендә кешеләр боҙ аҫтына ҡолаған этте күрә. Был урында боҙ йоҡа булғанлыҡтан, улар үҙҙәре ярҙам итергә баҙнат итмәй. Урынға Өфөнөң Граждандарҙы яҡлау идаралығының эҙләү-ҡотҡарыу отряды хеҙмәткәрҙәре килә. Махсус гидрокостюмда ҡотҡарыусыларҙың береһе эткә барып етә һәм уны сығара. Ныҡ өшөгән, хәрәкәт итә алмаған этте ҡоҡарыусы ярға тиклем алып барған. Шаһиттар этте өйөнә алып ҡайтты, тип хәбәр итә ҡаланың Граждандарҙы яҡлау идаралығының матбуғат хеҙмәтенән.
Автор:Дарья Субботина
https://www.bashinform.ru/