+22 °С
Болотло
Яҙмыш. Тормош. Булған хәл
14 Август , 04:03
ӘРЕМ МЕНӘН ДАУАЛАНАЙЫҠ
Йәйен әсәйем мунсала бер ҡасан да һабын һәм йыуғыс менән йыуынмай. Бигерәк тә әрем ярата ул. Мунсаға барыр алдынан ошо көслө еҫле үләнде йолҡоп алып инә лә, иҙәнгә ҡойолоп, ҡыйламаһын өсөн иҫке простыня йәйә. Шунда ултырып ҡына әрем менән тәнен, битен, аяғын ышҡый. Шунан һуң ҡайын миндеге менән сабына ла, тәне ҡыҙғас, тағы үлән менән ышҡына. Ҡайһы берҙә мунса яҡҡанда уҡ мейес алдына күнәктә үләнде бешереп ҡуя. Сәсен, ауыҙын, танауын шуның менән сайҡай, сыҡҡанда - ҡойона. Ғәҙәттә оло кешенән үҙенсәлекле еҫ сыға, ә әсәйемдән бер ҡасан да еҫ килмәй.
ӘРЕМ МЕНӘН ДАУАЛАНАЙЫҠ
Ҡышын киҙеү таралған ваҡытта төнәтеп эсә. Беҙҙе лә көсләп эсерә. Ысынлап та, файҙаһын күрәм. Быға тиклем улым ҡышын йыш ҡына һыуыҡ тейеп ауырый торғайны. Бына ике йыл инде сир-сырхауҙан ҡотолдо. Стоматит та хәҙер яфаламай.
Әрем - көслө үлән. Бөтә ауырыуҙан ҡотолам тип, ҡуйы итеп эсеп ҡуймағыҙ. Мин үҙем ҡоролай бөртөкләп кенә ашайым. Дөрөҫөрәге, йотам да йылы һыу эсеп ебәрәм. Әрем эсәкте лә таҙарта, паразиттар булһа, уларҙы ла бөтөрә.
Тик ҡулланыр алдынан врач менән кәңәшләшергә онотмағыҙ.
Ильвира ӘЛИБАЕВА.
