+20 °С
Облачно
Яҙмыш. Тормош. Булған хәл
28 Августа , 04:37
Ел йүгереп үтеп китһә
Ел йүгереп үтеп китһә,
Ел йүгереп үтеп китһә
Зыңлап ҡала ҡыңғырауҙар.
Шул сыңға ла сорналмаған
Сал ҡылғандар – һаңғырауҙар.
Аҡ сәскәләр тажын ҡоя:
Яратамы – яратмаймы?
Гөжөлдәгән анау иңкеш
Ялан гөлөн арытмаймы?
Мәтрүшкәләр өйкөлөшөп
Йыйып алыр ҡулды көтә.
— Ашыҡһаңсы, - тиҙәр кеүек, —
Был илаһи мәлдәр үтә.
Бешкән үлән йығылырҙай
Эйелә-бөгөлә бәүелгәндә.
Буш ояһы ята ҡоштоң,
Осҡандарҙыр әүәлгөндә.
Сабындағы сыбарлыҡтан
Күҙ ҡамаша, күҙ ҡамаша!
Тыуған төйәгем туғайы –
Ожмахтарҙан бер тамаша.
Миләүшә Ҡаһарманова.
