+28 °С
Болотло
Иман
19 Март 2025, 05:00
ҒҮМЕР
Үткән ғүмер -Аҡҡан һыуҙар кеүек...Ҡайһылай ҙа тура кем әйткән?
ҒҮМЕР
Үткән ғүмер -
Аҡҡан һыуҙар кеүек...
Ҡайһылай ҙа тура кем әйткән?
Был ғүмерҙәр беҙҙе генә түгел
Уҙаманандарыңды һемәйткән.
Берәм-берәм оса йыл-япраҡтар,
Йәшәрәһе юҡтыр яңынан.
Йәшәрәһе юҡ та,
Мин түгелме
Көҙгө балҡыштарға табынған.
Тик көҙҙәрҙең , беләм, яҙы була,
Яҙға тоташырмы көҙҙәрем?
...Ҡояштарға ғашиҡ бөрө һымаҡ,
Көлөп баға, ҡыҙым, күҙҙәрең.
Тамара ҒӘНИЕВА.
Автор фотоһы.
