Һеҙҙең никахҡа нисә йыл әле?

Ғаилә ҡорған йәштәргә һоҡланып бағабыҙ, ғүмер байрамдарында ихлас күңелдән ҡотлау һүҙҙәре еткерәбеҙ, улар үҙҙәре лә бер-береһе һәм Хоҙай алдында бер-береһенә мәңгелеккә терәк булырға вәғәҙә ҡуйыша.

Ә бына беҙҙең мәҙәниәттә артабан был көндө нисектер билдәләй йолаһы булмаһа ла, йылдар үтеү менән ошо мөһим көндө иҫләп, тормош иптәшең менән никахлашҡан көндәге кеүек матур хис-тойғолар кисерергә, яҡындарҙы тағы бер йыйып, уртаҡ ҡыуаныс кисерергә форсат бар.

Йылдар үтеү менән ир менән ҡатын араһында бәйләнештәрҙең нығыныуын сағылдырған туйҙар - ҡыуанырға сәбәптәр, артып ҡына тора.

1 йылдан - ситса туй,
2 йылдан - ҡағыҙ,
3 йылдан - тире,
4 йылдан - етен,
5 йылдан - ағас,
6 йылдан - суйын,
7 йылдан - баҡыр,
8 йылдан - ҡалай,
9 йылдан - фаянс,
10 йылдан - ҡурғаш,
11 йылдан - ҡорос,
12,5 йылдан - никель,
13 йылдан - селтәр,
14 йылдан - аҡыҡ,
15 йылдан - гәлсәр,
20 йылдан - фарфор,
25 йылдан - көмөш,
30 йылдан - ынйы,
35 йылдан - мәрйен,
37,5 йылдан - алюмин,
40 йылдан - ҡыҙыл яҡут,
45 йылдан - зәңгәр яҡут,
50 йылдан - алтын,
55 йылдан - зөбәржәт,
60 йылдан - гәүһәр,
65 йылдан - тимер,
70 йылдан - хозур,
75 йылдан - тажлы,
80 йылдан - имән туй.