Ураҙаға әҙерләнәбеҙ

Фән менән раҫланған аутофагия проце­сы бер нисә сәғәт ас йөрөгән ваҡытта кү­ҙәнәктәр­ҙе токсин һәм зарарланған аҡ­һым­дан та­ҙартырға мөмкинлек бирә. Шулай уҡ бауыр, бө­йөр һәм башҡа эске ағзаларҙың эшен яҡ­шырта, хатта ҡартайыу­ҙы тотҡарлай.

Шулай итеп, ураҙа нығыныу осоро: тән аш һеңдереүҙән детоксика­ция һәм яңырыу процесына күсә. Әммә ба­­­уыр­­ҙы нисек әҙерләргә?

Күптәр үҙенә диагноз ҡу­йырға, халыҡ ысу­лы менән да­уаланырға ярата. Мәҫәлән, ба­­уырҙы «таҙартырға» тотоналар. Әм­мә фән бындай «токсиндар»­ҙың барлы­ғын инҡар итә: бауырҙа бер ниндәй ҙә зарарлы матдә йы­йылмай. Бауырҙы та­ҙар­тыу өсөн популяр ысулдар йыш ҡына һау­­­лыҡҡа зыян килтерә.

Иң таралған һәм хәүефле процедура – ли­мон һуты һәм зәйтүн майы ҡатнашмаһы ме­нән таҙартыу. Был процедура «токсин» тип иҫәп­ләнгән матдәне йыуа, әммә был ҡат­наш­маның компоненты һәм эсәк эсендә­ге үҙ-ара тәьҫир итешеүҙең химик өҫтәмә про­дукты ғына. Лимон һуты ашҡаҙан-эсәк ауырыуҙары менән яфаланғандар өсөн хәүефле, ә артыҡ май үт секрецияһы артып тора, был үт ҡыуығындағы таштың хәрәкәт итеүен баш­лап ебәрергә мөмкин, был ашығыс медицина ярҙамына һәм операцияға килте­р­ә.

Шулай булғас, нимә эшләргә? Әгәр ҙә ет­ди ауы­рыуығыҙ булмаһа, әммә уңайһыҙ­лыҡ ки­­сер­һәгеҙ, бауырҙы таҙартыу өсөн хәүефле ысул­дан баш тартыу яҡшыраҡ. Әгәр бауыр­ға ял итеү өсөн шарт булһа, ул үҙе тергеҙелә ала. Майлы ризыҡ һәм алкоголь ҡулланыуҙы сикләгеҙ, бауырға тәбиғи рәүештә һауығыр­ға мөмкинлек бирегеҙ. Был ағзаның һаулы­ғын һәм эшмәкәрлеген оҙаҡ һаҡ­лар­ға ярҙам итәсәк.
Организмды бындай туҡланыу режимына әҙерләү ураҙаға кү­сеүҙе еңеләйтеү өсөн мөһим.

Рамаҙан айына әҙерләнергә кәрәкле кәңәштәр:
✓ Ураҙаға тиклем бер ни­сә аҙна ҡалғас, яйлап ри­зыҡ күләмен кәметә һәм туҡланыу арауығын артты­ры­ғыҙ. Был организмға яңы туҡланыу режимына яраҡлашырға ярҙам итә­сәк.
✓ Организм тейешле кимәлдә шыйыҡ­лыҡ алһын өсөн, көн дауамында һыу эсеүҙе арттырығыҙ. Рамаҙан айында һыу балансын һаҡ­лау мөһим.
✓ Рамаҙан айы алдынан майлы, әсе һәм ауыр ризыҡтан баш тартырға тырышығыҙ. Уның урыны­на еңел һәм баланслы туҡ­ла­ныу­ға күсегеҙ.
✓ Йәшелсә-емеш витамин һәм минералға бай, улар ураҙа ваҡытында иммуни­тетты һәм дөйөм һаулыҡты нығытырға яр­ҙам итәсәк.
✓ Хроник ауырыу менән сирләһәгеҙ йә дарыу ҡабул итһәгеҙ, ураҙа алдынан мотлаҡ табип менән кәңәшләшегеҙ. Врач Рамаҙан айында дарыу ҡабул итеү режимына һәм дие­таға ҡағылышлы кәңәш бирә ала.

Ошо ябай ғына күрһәтмәләрҙе үтәү ура­ҙаға яраҡлашырға, изге Рамаҙан айы дауамында һаулыҡты һаҡларға, бауыр­ҙы һө­ҙөмтәле таҙартыуға булышлыҡ итәсәк.