+19 °С
Болотло
Иман
27 Май , 03:54
МӨЖӘҮИР ХӘҘРӘТ ДОҒАҺЫ
Беҙҙең халыҡ араһында Мөжәүир хәҙрәт доғаһы исеме менән йөрөгән доға – ул берәй теләк, йә берәй нәмәгә мохтаж, йә ярҙам кәрәк булғанда уҡыла торған доға. Был доға хаҡында Ислам динебеҙҙә хәҙистә бар. Был доғаны хәжәт намаҙы ваҡытында ҡуланып АллаһУ Тәғәләнән һораһаң, иншаАллаһ, теләгең ҡабул булыр.
МӨЖӘҮИР ХӘҘРӘТ ДОҒАҺЫ
«Аллааһүммә инниии әсъәлүкә, үә әтәүәжжәһү иләйкә бинәбиййикә Мүхәммәдин нәбиййир-рахмәти! * Йәә Мүхәммәдү инниии тәүәжжәһтү бикә иләә Раббии фии хәджәтии һәҙиһи литүҡҙаа лии * Аллааһүммә фәшәфиғһү фии».
Мәғәнәһе: Аллаһым, ысынбарлыҡта мин Һинән һорайым. Һинең пәйғәмбәрең Мөхәммәт менән, рәхмәтең пәйғәмбәре менән үҙемдең был ихтыяждарымды күтәреп Һиңә йүнәләм. Ошо ихтыяждарым миңә файҙалы рәүештә ҡәнәғәтләндерелһең ине. Ул миңә шәфәғәтсе булһын ине.
Социаль селтәрҙә Мөжәүир хәҙрәт доғаһы тип ошо доға йөрөй, был шул уҡ доғаның ҡыҫҡаҡ варианты:
«Аллаһүммә иннии әсъәлүкә үә әтәүәджжәһү иләйкә бинәбиййиикә Мүхәммәдин-нәбиййиир-рахмәти фии хәәджәти һәҙиһи литүҡҙаа лии фәшәффиғһү фии».
