«Яңы Йондоҙҙар фабрикаһы» проектында 17 һәләтле башҡарыусы ҡатнаша. Улар араһында — Сибай ҡалаһынан 20 йәшлек Камилия Насретдинова. 9-сы лицейҙа уҡыған сағында Камилия «Подсолнух» вокаль ансамблендәа йырлай, «НеБарби» төркөмө солисы була, «Индиго» бейеү студияһында бейей, ҡала концерттарында даими ҡатнаша. Яҡташыбыҙ Сибай исеменән сығыш яһаһа ла, Камилия Мәскәүҙә йәшәй. Ул Мәскәү сәнғәт колледжының вокал бүлегендә уҡып йөрөй.
Һәр ҡатнашыусы сәхнәлә саҡырылған артист менән дуэт йырлаған. Ошо сығыштарҙан һуң остаздар үҙ командаларын төҙөгән. Шоу ҡағиҙәләренә ярашлы, ҡатнашыусыларҙың береһе проекттан китергә тейеш. Беренсе сығарылышта Камилия Катя Лель менән бергә «Минең мармеладный» хитын башҡара.
сығанаҡ: "Башинформ" мәғлүмәт агентлығы.