+28 °С
Болотло
Әҙәбиәт
26 Октябрь 2025, 02:05
Түҙәм
"Түҙ һин, түҙ йәме?"Түҙәм.Түҙәм.
Түҙәм
Һандал нурға сумды күк йөҙө лә,
Таң аттырҙым тағы күҙ элмәй.
Теҙелешеп кенә осоп үткән
Аҡҡоштарға саҡ-саҡ эйәрмәй,
Түҙҙем нисек...
Түҙҙем,
Һыпырҙым да
Ике генә бөртөк күҙ йәшен.
Таң еле лә, мине йыуатҡандай,
Сәстән һыйпай:
"Түҙ һин, түҙ йәме?"
Түҙәм.
Түҙәм.
Сабырлыҡҡа һынау
Үтелгән ул.
Күптән сыныҡҡан.
...Миҙгел менән миҙгел алмашҡанда
Һыҙланалар икән тынлыҡтан...
Айгөл Айытҡолова.
Автор фотоһы.
