+30 °С
Болотло
Әҙәбиәт
15 Ноябрь 2025, 02:05
Кәрәк
Күңелдең дә күңелдәрен күрер кәрәк.Шау сәскәнән таҡыялар үрер кәрәк.
Кәрәк
Күңелдең дә күңелдәрен күрер кәрәк.
Шау сәскәнән таҡыялар үрер кәрәк.
Үҙеңә тип тәлгәштәргә үрелгәндә
Күңелгә лә ус тултырып тирер кәрәк.
Күңелдең дә күңелдәрен күрер кәрәк.
Болоҡһоһа, хәлдәренә керер кәрәк.
Һиллегендә көҙгөһөнә һаҡсы ҡуйып,
Елкенгәндә елкәндәрен кирер кәрәк.
Һәр миҙгелдә бер ебәккә төрөр кәрәк.
Көҙ - һағышты, ҡышын - туңды һүрер кәрәк.
Ярһыу яҙҙа ташҡындарҙа талпындырып,
Йәй йәмендә әберкәләр бөрөр кәрәк.
...Күңелдең дә күңелдәрен күрер кәрәк.
Йөрәгеңдә йыр тыуҙырып бирер кәрәк.
(Наилә Хәмбәлиева)
Автор фотоһы.
