+30 °С
Болотло
Әҙәбиәт
31 Ғинуар , 04:00
ҠАБАТЛАУ. Рәмил Йәнбәк
Был тормоштоң мәғәнәһе ниҙә,
ҠАБАТЛАУ. Рәмил Йәнбәк
Ниҙә икән уның асылы?
Алдан белеп, күреп булмайҙыр шул
Китап һымаҡ ятмай асылып.
Берәү уйлай: ҡулдан килгән саҡта
Йәшәп ҡалыу кәрәк типтереп.
Икенселәр донъя малын ҡыуа,
Бөтә тәнен, йәнен киптереп.
Ҡайһылары көн-төн күкрәк ҡаға,
Тик йылдары уҙа әрәмгә.
...Донъя тулы тыштан ялтыр булып,
Эстән ҡалтыраған әҙәмдәр...
Бик күптәрҙең һүҙен ҡабатлауҙыр —
Миңә ҡалһа, маҡсат-теләк бер:
Ғәзиздән дә ғәзиз халҡым өсөн
Балҡып-янып үтһен был ғүмер.
Рәмил ЙӘНБӘК.
