+28 °С
Болотло
Әҙәбиәт
1 Февраль , 08:10
Балаҡайҙарым тип йөрәгегеҙ өҙөлгәнде беләм мин
Юлға сыҡһа ла, йортта ҡалһа ла, ҡайҙа ғына йөрөһә лә балаларыбыҙ өсөн йөрәк өҙөлә. Донъябыҙ улар менән яҡты, нурлы. Һәр беребеҙгә балалар шатлығын татып, бәхеттә, именлектә, күңел тыныслығы менән йәшәргә насип итһен!
Бар ғәләмгә аҡ нур өргән,
Бәхеттәрҙән гөлдәр үргән
Донъя күрке бала икән.
Йөрәктәрҙе тетрәндергән,
Үҙәктәрҙе өҙөлдөргән,
Бәғер телгән бала икән.
Һыуҙарымдың тәме-балам,
Көндәремдең йәме-балам,
Йәшәүемдең ғәме-балам,
Намыҫымдың сәме-балам.
Күңелемде күккә сөйгән,
Иң ҙур шатлыҡ һинән, балам.
Баш күтәрә алмаҫ ҡайғым,
Әрнеүҙәрем һинән, балам.
Эй, Хоҙайым, бер үк һаҡла баламды… 
Фирүзә Абдуллина
Балаҡайҙарым тип йөрәгегеҙ өҙөлгәнде беләм мин
