+30 °С
Облачно
Әҙәбиәт
4 Февраля , 02:05
Булғым килә
Уңған ҡатын булғым килә,Тормош көткән йәрем өсөн.Тәмле аштар менән һыйлап,Һаҡлап ҡына һөйөү хисен.
Булғым килә
Уңған ҡатын булғым килә,
Тормош көткән йәрем өсөн.
Тәмле аштар менән һыйлап,
Һаҡлап ҡына һөйөү хисен.
Матур әсәй булғым килә,
Улым өсөн, ҡыҙым өсөн.
Һәр береһен тигеҙ күреп,
Өләшергә йөрәк хисен.
Ихлас кеше булғым килә,
Халҡым өсөн, илем өсөн.
Һәр һулышым, һәр миҙгелем
Бүләк итә йәшәү көсөн.
Көслө ҡатын булғым килә,
Күтәрерлек донъя йөгөн.
Ғүмер теҙгенен тартырлыҡ,
Көс - ғәйрәтем етһен бөгөн.
Йылы усаҡ - торған йортом,
Һиндә наҙым, һиндә хисем.
Бер үк, Тәңрем, юл яҙҙырма,
Балаларҙа - минең төҫөм.
Альбина Муллағол - Ғәлиуллина.
Фото архивтан.
