+28 °С
Болотло
Әҙәбиәт
4 Февраль , 03:05
ТӘҮГЕ ҺӨЙӨҮ
Тәүге һөйөү бер кемде лә,Беләм, урап үтмәгән.Татлы мөхәббәткә сорнап,Мең ғазапҡа үртәгән.
ТӘҮГЕ ҺӨЙӨҮ
Тәүге һөйөү бер кемде лә,
Беләм, урап үтмәгән.
Татлы мөхәббәткә сорнап,
Мең ғазапҡа үртәгән.
Бар нәмәнән артыҡ күреп,
Һәр кем ғашиҡ булғандыр.
Аҡылдан шашып яратып,
Ғишыҡ хаты яҙғандыр.
Һәр кемдә лә тәүге һөйөү,
Һис шигем юҡ, булғандыр.
Мәңге һүнмәҫтәй янғандыр,
Аҡ томанда ҡалғандыр.
Йөҙҙөм һөйөү диңгеҙендә,
Йөҙҙөм мин дә, таң ҡалып.
Шул диңгеҙҙә хәҙер бары
Аяҡ ҡына сайҡарлыҡ.
Алтын тауҙар вәғәҙә иткән,
Йәрҙәр ҡалды бик йыраҡ.
Мөхәббәткә ҡарағанда
Эскән сәйем ҡатыраҡ.
Альбина МУЛЛАҒОЛОВА-ҒӘЛИУЛЛИНА.
Фото архивтан.
