Мөнәжәттәр

I вариант

Әсә-атаға хөрмәт бөтөр,

Балаларҙан шәфҡәт китер,

Туғандарҙан рәхим китер-

Бына шундай заман етер.

Дин ғилемен уҡыу бөтөр,

Мәжлестәрҙе вайран итәр,

Ғалимдарҙан салма китер-

Бына шундай заман етер.

Ир балала ғәйрәт бөтөр,

Ҡатын-ҡыҙҙан хая китер,

Балаларҙан өмөт бөтөр-

Бына шундай заман етәр.

Биналары бейек булыр,

Эсе тулы йыһаз булыр,

Дин доньяһы боҙоҡ булыр-

Бына шундай заман етәр.

Ғалимдары вәғәз һөйләр,

Кайһы берҙәре ғәйбәт һөйләр,

Әҙәм хәүеф менән үлер-

Бына шундай заман етер.

Атайһыҙ бала күбәйер,

Фәхишлек, зина күп булыр,

Мәсеттәрҙә уйын булыр-

Бына шундай заман етер.

Гөнаһты һис тә белмәҫтәр,

Биш ваҡыт намаҙ ҡылмаҫтар,

Заман ҡәһәрен белмәҫтәр-

Бына шундай заман етер.

Бала-саға барыр алдан,

Хаҡлыҡ бөтөр, тулыр ялған,

Ғәвәм халҡы бары ла аҙған-

Бына шундай заан етер.

Донъяларҙан йәмдәр китер,

Бәндәләрҙән хая китер,

Балаларҙан рәхим бөтөр-

Бына шундай заман етер.

Әсә-атаға ғиззәт бөтөр,

Балаларҙан шәфҡәт китер,

Туғандарҙан рәхим бөтөр,

Бына шундай заман етер.

Ҡатын-ҡыҙҙар хужа булыр,

Хәмер эсер, зина ҡылыр,

Бәндәләрең зәғиф булыр-