+28 °С
Облачно
Әҙәбиәт
31 Марта , 03:05
Донъя ҡорам
Эшем шундай: вагондарҙы Вагондарға тоташтырам. Күпме ара, машинистҡа Үлсәмдәрҙе әйтеп торам.
Донъя ҡорам
Эшем шундай: вагондарҙы
Вагондарға тоташтырам.
Күпме ара, машинистҡа
Үлсәмдәрҙе әйтеп торам.
Шағирлыҡтыр: замандарға
Замандарҙы тоташтырам.
Һуғыш тыныр, иман еңер,
Матур ғына хыял ҡорам.
Һин дә, кешем, миңә ҡушыл,
Иманлыға оҡшап тораң.
Зат - ырыуың саф башҡорт бит,
Бейеп тора менгән юрғаң.
Шөкөр, тимен, рухым ҡыйыу,
Аяҡтарҙа ныҡлы торам.
...Иман тигән, хоҙур илдә,
- Иманлы бер донъя ҡорам!
Рамай Ҡаһир.
