+20 °С
Облачно
Әҙәбиәт
6 Июня , 04:00
ҺАБАНТУЙ
Мотал Рәмов шиғыры
ҺАБАНТУЙ
Гөрләп үтһен һабантуйҙар
Беҙҙең башҡорт ерендә.
Һабантуй – халыҡ байрамы,
Йырҙар тыуһын күңелдә!
Эй, һабантуй, һабантуй,
Уйҙар булһын гел уртаҡ!
Булғас, булһын үҙебеҙсә –
Йыр-моң тормаһын туҡтап!
Егеттәрҙең аҫылдары
Һабантуйҙа һанала.
Һылыуҙарҙың һылыуҙары
Нәҡ ошонда дан ала!
Ҡот-йәм биреп еребеҙгә,
Сайҡалһындар игендәр.
Хеҙмәт емештәрен күреп,
Күтәрелһен күңелдәр!
