+16 °С
Дождь
Әҙәбиәт
14 Июня , 01:05
ИКӘҮ БЕРГӘ ҠАРТАЯҺЫ КИЛӘ
Икәү бергә ҡартаяһы килә,Ойоҡбаштар кейеп аҡ йөндән.Өрөп кенә, ашыҡмайса эсеп,Ҡайнар сәйҙе шишмә һыуынан.
ИКӘҮ БЕРГӘ ҠАРТАЯҺЫ КИЛӘ
Икәү бергә ҡартаяһы килә,
Ойоҡбаштар кейеп аҡ йөндән.
Өрөп кенә, ашыҡмайса эсеп,
Ҡайнар сәйҙе шишмә һыуынан.
Ҡушымта:
Икәү бергә ҡартаяһы килә,
Төндәрендә юрған бүлешеп.
Байрам һайын дуҫ- туғандар менән бергә,
Бер осрашып, хәлдәр белешеп.
Икәү бергә ҡартаяһы килә,
Көҙҙәргә лә бергә керәһе.
Йылы ҡарашыңды тойоп - һиҙеп,
Бар ғүмерҙең ҡәҙерен беләһе.
Икәү бергә ҡартаяһы килә,
Бер- береңә булып терәкле.
Ҡартаяһы килә икәү бергә,
Һинең өсөн тойоп кәрәкте.
Ирина Хәмиҙуллина.
