+21 °С
Облачно
Әҙәбиәт
3 Августа , 01:05
ЕН ТӘҘРӘҺЕ
Кеҫә телефонына бағышлана.
Һис эшем юҡ ҡыҙымда,
Һис эшем юҡ улымда,
Ен тәҙрәһе - ҡулымда.
Ул бит ғәзиз иремдәй!
Ҡарайым мин иренмәй -
Ниҙәр генә күренмәй!
Эшкә барам - текләйем,
Эштән ҡайтам - текләйем.
Унһыҙ донъя көтмәйем -
Бер аҙым да үтмәйем...
Сәс ҡабартам, буянам,
Әйтергә лә оялам:
Уны һыйпап йоҡлап китәм,
Уны һыйпап уянам...
Ен тәҙрәһе йотмаҫ борон
Мине табығыҙ әле,
Ҡалыптарға һыймаһам да,
Сыйнаһам да,
Ҡыйнаһам да,
Тартып алығыҙ әле!..
Зөлфиә Ханнанова.
https://vk.ru/vatandash_journal
