+21 °С
Облачно
Әҙәбиәт
5 Августа , 02:05
ХАРАБА...
Күктәрем ишелде,Түшәмем тишелде–Хараба аҫтындаҠалдым, ау,Түҙҙем, ау,Ныҡ ҡыҫып тешемде.
ХАРАБА...
Күктәрем ишелде,
Түшәмем тишелде–
Хараба аҫтында
Ҡалдым, ау,
Түҙҙем, ау,
Ныҡ ҡыҫып тешемде.
Дуҫ тигән ҡыйратты,
Ҡалдым,ау, таяуһыҙ...
Хараба аҫтында
Хыянат сүплеге
Ҡапланы аяуһыҙ.
Ҡайнаны ғәрлегем,
Үҙемде әрләнем:
Хараба аҫтында
Ҡәҙерле башым,ау,
Ятмаһын керләнеп!
Ишелгән күгем, ау,
Иң менән күтәрҙем.
Хараба өҫтөндә,
Көлөнә төкөрөп,
Таянмаҫ таяуға
Йыназа үткәрҙем.
Ау!
Гөлнур Яҡупова
Сығанаҡ: https://vk.ru/agidel_rb
