Конгэк
-6 °С
Болотло
TelegramVKОКdzen
ЯҠЫНДАРЫҒЫҘҘЫ ҠОТЛАҒЫҘ!
Бөтә яңылыҡтар
Мәҙәниәт һәм әҙәбиәт
27 Октябрь 2023, 05:00

Рәхәт икән...

Олоғайғас рәхәт икән:Эшкә бараһы ла юҡ,Ҡайнар ашты ҡарһаланыпӨрөп ҡабаһы ла юҡ.

Рәхәт икән...
Рәхәт икән...

Рәхәт икән олоғайғас...
(Шаярыу ҡатыш шиғыр)

Олоғайғас рәхәт икән:
Эшкә бараһы ла юҡ,
Ҡайнар ашты ҡарһаланып
Өрөп ҡабаһы ла юҡ.

Матур күлдәк, йөҙөк, алҡа
Һатып алаһы ла юҡ.
Төндә бәпестең юрғанын
Тороп ябаһы ла юҡ.

Үткәндәр менән ризаһың -
Яҙмыштарҙан юҡ уҙмыш.
Нимәлер иҫбат итмәйһең -
Үҙе бер сер ул тормош.

Үкенһәң дә, ялбарһаң да,
Үҙ өлөшөң алғанһың.
Эшләгәнһең, йәшәгәнһең,
Йәшнәгәнһең, янғанһың.

Һөйөлгәнһең һәм һөйгәнһең
Йәшлегең таңдарында.
Донъя йөгөнә егелеп,
Тартҡанһың ,,һалдарын" да.

Олоғайғас сәйер икән:
Үҙең баш та, үҙең түш.
Умартала - тик инәғорт,
Ситкә осҡан оло күс.

Олоғайғас ғәжәп икән:
Йүгермәйһең мәж килеп.
Ваҡытты яйлап һуҙаһың -
Ҡалғандың ҡәҙерен белеп.

Гөлнур Ғиззәтуллина.

Лена ХӘЙРУЛЛИНА фотоһы.

Автор:Лена Хайруллина
Читайте нас в