Эш сәғәте бөтһә, "көн үтте" тип,
Ҡыуанам да,һуңынан уйлайым:
"Эш сәғәтен һанай-һанай ғына,
Уҙа микән ғүмер, Хоҙайым?"
Мәшәҡәттән арынып туғандарҙың,
Хәлдәрен дә ҡай-саҡ белмәйбеҙ,
Ҡыҫҡа ғына ғүмер сәғәттәрен,
Үпкә һаҡлап сарыф итәбеҙ.
Килер бер көн,шул саҡ аңларбыҙҙыр,
Һуңлағаныбыҙҙы йәшәргә...
Күпме сәйҙәр эселмәйсә ҡалды,
Үпкә һаҡлап бер-беребеҙгә.
Эш сәғәте бөтә... Көндәр үтә,
Туҡтамай ҙа ваҡыт даръяһы,
Үтһен ваҡыт, ләкин, туғандарым,
Үкенестәр генә ҡалмаһын!
Зөлфиә Йәғәфәрова.
+11 °С
Болотло