Йөрәк аша уҙҙырмағыҙ...

Йөрәк аша уҙҙырмағыҙ
Һәр бер ишеткән һүҙҙе.
Бирешмәгеҙ ауырлыҡҡа,
Йомоғоҙ, бер аҙ күҙҙе.

Моңһоу насар уйҙарҙы ла
Йөрәктәргә индермәгеҙ.
Ҡолаҡ ишеткән ғәйбәтте,
Зинһар, һөйләп йөрөмәгеҙ.

Йөрәк түрендә һәр ваҡыт
Булһын аҡлыҡ, таҙалыҡ.
Ә күңелдә гел йәшәһен,
Мәңгелек бәхет, шатлыҡ.

Йөрәк аша уҙҙырмағыҙ
Тормоштоң һынауҙарын.
Төҙәтергә бик ауыр ул,
Йөрәктең яраларын.

Зөфәр Бохаров.

Л.Хәйруллина фотоһы.