+11 °С
Облачно
Яңылыҡтар
13 Февраля 2018, 09:45
Тотороҡлолоҡ өсөн тауыш бирәйек
РФ Президентын һайлау көнөндә оҙайлы командировка йәки башҡа төрлө сәбәптәргә бәйле, теркәлеү урыны буйынса тауыш бирә алмаған граждандар 18 мартта тауыш биреүҙең яңы мөмкинлеге менән ҡуллана ала.
РФ Президентын һайлау көнөндә оҙайлы командировка йәки башҡа төрлө сәбәптәргә бәйле, теркәлеү урыны буйынса тауыш бирә алмаған граждандар 18 мартта тауыш биреүҙең яңы мөмкинлеге менән ҡуллана ала.
Рәсәй Үҙәк һайлау комиссияһы сайтында “Рәсәй картаһында Территориаль һайлау комиссияһы (ТИК) һәм Участка һайлау комиссияһы (УИК)” һылтанмаһы бар. Бында 18 мартта Рәсәй биләмәһендә граждандарҙы ҡабул итәсәк ТИК һәм УИК адрестары күрһәтелгән. Интерактив картала ҡайҙалығыңды билдәләгәс, махсус программа экранға яҡын тирәлә урынлашҡан һайлау участка комиссияларының адресын күрһәтә. Һеҙгә ни бары телефондар аша бәйләнешкә инеп, үҙегеҙҙе өҫтәмә исемлеккә индереүҙәре тураһында ғариза биреү шарт.
Рәсәй Үҙәк Һайлау комиссияһының (ЦИК) күп каналы мәғлүмәт- белешмә үҙәгенең 8-800-707-2018,+7(495)727-2018) телефондары операторы аша 18 мартта буласаҡ ауыл-ҡаланың адресын әйтеп, өҫтәмә исемлеккә индереүҙәрен һорай алаһығыҙ. Мәғлүмәт менән БР Үҙәк һайлау комиссияһының http://bashkortostan.izbirkom.ru. сайтында танышырға мөмкин. Шулай уҡ Мәләүез ҡалаһы, Воровский урамы, 4 адресы буйынса территориаль һайлау комиссияһына килеп йәки 3-51-53 телефон һандарына шылтыратып белешмә алырға була. Эш ваҡыты: иртәнге 9-ҙан киске 8-гә тиклем.
31 ғинуарҙан Воровский урамы, 4, (207-се бүлмә) һәм Ленин урамы, 150 (Үҙәк китапхана), шулай уҡ Смоленск урамы, 108 (күп функциялы үҙәк) адрестары буйынса был көндә ситтә тауыш биреүгә ғариза ҡабул итеү пункттары эшләй. Үҙегеҙ менән шәхесте раҫлаусы документ булыуы шарт.