+24 °С
Ясно
Яңылыҡтар
6 Января 2019, 19:28
Раштыуала Башҡортостанда полиция 330-ҙан ашыу объектта дежур итә
Башҡортостан Эске эштәр министрлығы хеҙмәткәрҙәре Христос Раштыуаһы байрамында дежурлыҡ итергә әҙерләнә.
Дружинниктар, шәхси һаҡ агентлыҡтары һәм казактар вәкилдәре менән бергә республика буйынса 180-дән ашыу объект һаҡ аҫтына ҡабул ителә. Бынан тыш, дини биналар ҙа һаҡ аҫтында була.
«6 ғинуарҙан 7-һенә ҡарай төндә 150-нән ашыу ҡорамда һәм сиркәүҙә хәүефһеҙлек тәьмин ителә, — тип хәбәр иттеләр республика Эске эштәр министрлығының матбуғат хеҙмәтендә. — Полиция пиротехник изделиеларҙы файҙаланғанда, шулай уҡ спиртлы эсемлектәр ҡулланғанда һаҡ булырға кәрәклеге тураһында иҫкә төшөрә. Шуны онотмағыҙ: иҫерек кешенең енәйәт йәки бәхетһеҙ осраҡ ҡорбаны булыуы, шулай уҡ үҙе законды боҙоуы мөмкин».
Файҙалы телефондар:
Башҡортостан Республикаһы буйынса Эске эштәр министрлығының дежур бүлеге - (347) 279-39-02,
Башҡортостан Республикаһы буйынса Эске эштәр министрлығының ышаныс телефоныт - (347) 279-32-92
йәки 02 (кеҫә телефонынан - 102).
Бөтә телефондар тәүлек әйләнәһенә эшләй.
