Иртәнге аш уңышҡа илтә

Медицина хеҙмәткәрҙәре иртәнге ашты ҡалдырмаҫҡа кәңәш итә, шулай уҡ ул туҡлыҡлы һәм файҙалы булырға тейеш.

- Ғилми тикшеренеүҙәр ир­тәнсәк яҡшы итеп ашарға күнеккән кешенең стрестарға бирешеп бармауын, иммунитеты ныҡ булыуын раҫлаған.
- Статистика буйынса, иртәнге аштан баш тартмаған кешеләр юл-транспорт фажиғәһенә лә һи­рәгерәк осрай.
- Көндөҙ көсөргәнешле эш көтә икән, мотлаҡ иртәнсәк яҡшы туҡланырға кәрәк. Был энергия запасы бирә һәм эшкә һәләтлелекте 30 процентҡа күтәрә.
- Иртәнге тәмле аш кәйефте күтәрергә, фекерҙәрҙе бер төйөнгә туплап, яңы көнгә көйләргә, мейегә иғтибарҙы туплау һәм мәғлүмәтте яҡшыраҡ хәтерләүгә булышлыҡ итә. - Ни тиклем иртәрәк ашайһың, организм шул тиклем иртәрәк уяна һәм эшләй башлай.
- Иртәнге калориялар бер ҡасан да майға әүерелмәй, ә тулыһынса сарыф ителә.
- Иртәнге ашһыҙ организмда матдәләр алмашыныу процесы уянмай һәм әүҙем рәүештә майҙарҙы тарҡатыу буйынса эш башлау урынына, барыһын «һуңыраҡҡа» ҡалдыра. Тап шул арҡала артыҡ килограмдар барлыҡҡа килә.
- Белгестәр раҫлауынса, ир­тәнсәк бешкән йомортҡа ашаған кеше төшкөлөккә ныҡ асығып та өлгөрмәй. Ул көн дауамында ҡулланылған кало­рияларҙы 400 берәмеккә кәметергә ярҙам итә. Иртәнге ашта дөгө, ҡарабойҙай йә һоло бутҡаһы булһа, көн дауамында майлы аҙыҡ аҙыраҡ ашала.