+2 °С
Болотло
Бөтә яңылыҡтар
Новости
18 Март 2020, 13:37
Башҡортостан – мәктәп стоматологияһын үҫтереү буйынса алдынғы төбәктәрҙең береһе
Башҡортостан – мәктәп стоматологияһын үҫтереү буйынса алдынғы төбәктәрҙең береһе, тип белдерҙеләр республика Һаулыҡ һаҡлау министрлығының матбуғат хеҙмәтендә.
Башҡортостан – мәктәп стоматологияһын үҫтереү буйынса алдынғы төбәктәрҙең береһе, тип белдерҙеләр республика Һаулыҡ һаҡлау министрлығының матбуғат хеҙмәтендә.
Әйтәйек, быйыл республикала 61 мәктәп стоматология кабинетын асыу планлаштырыла.
Уларҙың береһе «Үргә ос!» республика мәғариф проектын тормошҡа ашырыу барышында Өфө районы Шамонин ауылы мәктәбендә асылды.
Ошо күләмле проекттың «Сәләмәт йылмайыу» модуле 800-ҙән ашыу бала белем алған мәктәптәрҙә стоматология кабинеттарын асыуҙы күҙ уңында тота.
Уҡыусылар аҙыраҡ булған мәктәптәр өсөн поликлиникаларҙа теш табиптарында ҡаралыу ойошторола.
«Шамонин ауылындағы стоматология кабинеты барлыҡ кәрәкле заманса ҡорамалдар менән йыһазландырылған. Бында 1,1 меңдән ашыу уҡыусының стоматология ярҙамын алыу мөмкинлеге бар», — тип йомғаҡ яһанылар Һаулыҡ һаҡлау министрлығында.
«Сәләмәт йылмайыу» модулен индереү эше Башҡортостан башлығы тәҡдим иткән «Үргә ос!» республика мәғариф проектын ғәмәлгә ашырыу һөҙөмтәһендә башланды.
«Башинформ» хәбәр иткәнсә, «Үргә ос!» республика проектына ике кейс индерелә: унынсы класс уҡыусылары өсөн «Кейс 10» («Спорт менән дуҫ бул!», «Шахмат уйнарға өйрән!», «Иркен һөйләш!», «Интерактив башҡорт теле» модулдәре) һәм ун беренселәр өсөн «Кейс 11+» («Бейе!» һәм «Рулгә ултыр!»).
Хәҙер проект муниципалиттың бер мәктәбендә һынау вариантында тормошҡа ашырыла. Республика Мәғариф министрлығы 2020 йылдың 1 сентябренән уларҙың һанын һәр районға йәки ҡалаға ике мәктәпкә тиклем арттырырға, шулай уҡ программаға «Халыҡ алдында һөйлә!» һәм «Эшлекле этикет» модулдәрен өҫтәргә тәҡдим итте.
Фото: Башҡортостан Һаулыҡ һаҡлау министрлығының матбуғат хеҙмәте
Читайте нас:
© 2025 Башҡортостан Республикаһы Мәләүез районы "Көнгәк" ижтимағи-сәйәси гәзитенең рәсми сайты.
Сайт общественно-политической газеты г. Мелеуз и Мелеузовского района Республики Башкортостан «Конгэк».
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.
Баш мөхәррир Абдрахманова Л.А.
Электрон почта
Адресы
Башҡортостан республикаһы, Мәләүез ҡалаһы, Воровский урамы, 6-сы йорт.
Телефон
+7 (347-64) 3-52-07