3 апрелгә тиклем республикалағы бар почта бүлексәләрендә лә юғары әҙерлек эш тәртибе урынлаштырылған. Был ҡоронавирус инфекцияһы таралыуы хәүефенә бәйле. Бөгөн, 31 мартта, һәм иртәгә, 1 апрель, почта бүлексәләре халыҡ өсөн ябыҡ буласаҡ. Почта, пенсиялар, пособиелар ваҡытында таратыласаҡ. 2 һәм 3 апрель почта бүлексәләре графикка ярашлы эшләй. Почта аша ебәрелә торған әйберҙәрҙе һаҡлау ваҡыты 30 көндән алып 60 көнгә тиклем оҙайтыу ҡаралған.