20 апрелдә Рәсәйҙә Донорҙар көнө билдәләнә

Һеҙҙең арала ҡан тапшырыусылар бармы? Булһа, ҡотларға онотмағыҙ! Улар – кешенең һаулығын нығытыусы, ғүмерен оҙайтыусы.

Бөгөн шулай уҡ Ҡытай теле көнө икән. Ҡыҙыҡ, улар был иҫтәлекле датаны нисек үткәрә икән? Православныйҙарҙың Акулинин йәки Акилинин көнө лә 20 апрелдә билдәләнә.

Бөтә донъя мосолмандары иһә бөгөнгө еңел булмаған осорҙа рамаҙан айын ҡаршыларға йыйына. Ураҙа тотҡандарҙың ураҙаһы ҡабул булһын, кемдең ниндәй изге теләге бар, барыһы ла бойомға ашһын!