Бөгөн - Урындағы үҙидара органдары хеҙмәткәрҙәре көнө

Был - районыбыҙҙың муниципаль хеҙмәткәрҙәре, район-ҡала советтары депутаттары, ауыл старосталарының һөнәри байрамы.

Райондың социаль-иҡтисади үҫешен яҡшыртыу, халыҡ өсөн уңайлы шарттар булдырыу яуаплылығы тап уларҙың иңенә һалынған. Депутаттар корпусы район һәм ауыл советтарында урындағы әһәмиәтле һорауҙарҙы хәл итә, үҙҙәренең округтарында йәшәгән граждандарҙың мәнфәғәтен яҡлай. Үҙидаралыҡтың башҡарма органдары ауыл биләмәләренең, райондың йәшәйеше менән идара итә, бөтә төр эшмәкәрлек өлкәләре менән тығыҙ бәйләнештә эшләй. Төп маҡсаттары – власты халыҡҡа яҡынайтыу.