"ХӘЛӘЛ" ТЫШҠЫ БАҘАРҘЫ ЯУЛАЙ

“Хәләл” маркаһы тауарҙары үҙ эсенә аҙыҡ-түлекте генә түгел, ә кейем-һалым һәм көнкүреш химияһын да ала. Был продукцияға һәр саҡ иғтибар ҙа, ихтыяж да бар. Өҫтәүенә ул “Халыҡ-ара кооперация һәм экспорт” милли проектын тормошҡа ашырыуға этәргес буласаҡ. Ведомство етәксеһе Маргарита Болычева әйтеүенсә,”юл картаһы”н үтәү һөҙөмтәләре буйынса “Хәләл” продукцияһын етештереү өсөн тейешле шарттар булдырылыуына өмөт ҙур.

План саралары дүрт этапта үтәсәк. Тәүҙә республика предприятиеларын халыҡ-ара “Хәләл” стандарттарына ярашлы сертификациялау һәм аудит үткәреү ҡаралған. Һуңынан инвестиция проекттарын һәм Ислам банкингын үҫтереү, республика продукцияһын сит ил баҙарына сығарыу башланасаҡ.