Еңеүҙең 75 йыллығына парад

Бөйөк Ватан һуғышы афәте һәр ғаиләгә ҡағыла. Был ҡот осҡос һуғышҡа 75 йыл уҙһа ла ветерандар йөрәгендә тетрәнеү уята.

Ҡала мәҙәниәт һарайы үҙешмәкәрҙәре артистары фронтовиктар йорто алдында йөкмәткеле концерт менән сығыш яһаны.

Һуғыш ветерандары Ҡасим Гайдин һәм Ғәли Арыҫланов өсөн башҡарылған Тыуған яҡҡа һөйөү, һуғыш осорондағы йырҙар йөрәктәргә үтеп инде. Туғандары, күршеләре ысын күңелдән ғорур ҡул сабып, рәхмәттәрен еткерҙе.