Киләһе йылға күсерелә

Рәсәй статистикаһы мәғлүмәтенә ярашлы, коронавирус таралыуы сәбәпле Бөтә Рәсәй халыҡ иҫәбен алыу 2021 йылдың апреленә күсерелде. Был хаҡта приказ норматив акттар проекттары порталына ҡуйылған. Айырым категорияға ингән граждандарға иҫәп алыу бер айға алдан башланһа, төп сара апрелдә уҙғарыласаҡ тиелә документта.

Йәниҫәпте цифрлы технологиялар ҡулланып алыу планлаштырыла. Дәүләт ярҙамы порталы аша үҙаллы үтеү уңайы ла ҡаралған. Тораҡ йорттар буйлап йөрөйәсәк иҫәп алыусылар фәҡәт Рәсәйҙә етештерелгән планшеттар менән файҙаланасаҡ. Сарала шулай уҡ стационар участкаларға, күп функциялы үҙәктәргә барып ҡатнашырға мөмкин буласаҡ.