Йәйегеҙ нисек үтә?

Июнь аҙағында беҙ, Һөйәрғолов- тар, Ҡолтаевтар, Байгилдиндар ға­иләләре, Бөрйән районының билдәле Шүлгәнташ мәмерйәһенә барҙыҡ. Юл буйы Башҡортостаныбыҙҙың гүзәл­легенә һоҡланып туйманыҡ. Ырғыҙлы янындағы шишмәнән һыу алдыҡ, бик тәмле, саф. Сәфәребеҙҙе иҫтәлек­кә ҡалдырыр өсөн бик күп фотоға төштөк. Шүлгәнташта алған тәьҫо­раттарҙы һөйләп бөтөрлөк түгел. Ун­дағы хозурлыҡ, иҫ киткес матурлыҡ! Ағиҙел йылғаһы йылыраҡ, таҙараҡ тойолдо. Рәхәтләнеп һыу индек, ба­лыҡ тоттоҡ. Мәмерйәлә тәбиғәттең ни тиклем мөһабәт, мәшһүр, көслө икәненә инанаһың. Ҡурҡыу, һоҡла­ныу тойғолары бергә уҡмаша. Ғорур ҡаяларҙан, төрлө ағас үҫкән урман­дан, йылға-күлдәрҙән күҙҙе алғы кил­мәй. Мөғжизә ошо була икән! Гәзиттә баҫылған конкурсҡа шул хаҡта яҙғы килде. Сәфәргә ун бер кеше барҙыҡ, үҙебеҙ менән сабый балабыҙҙы ла алдыҡ. Фотола (һулдан уңға) Сургут ҡалаһынан ҡайтҡан бер туған Гөл­сәсәк апайымдың ҡыҙҙары Нурия, Нәркәс Байгилдиналар, ҡыҙым Аза­лия, артҡы планда үҙем.

Земфира ҺӨЙӘРҒОЛОВА.

Фото архивтан.