Ҡалабыҙ күркәмләнә

Ҡаланың йылдан-йыл үҙгәреүен күрмәү мөмкин түгел. Бының өсөн күп эштәр башҡарыла. Үҙәк майҙандан алып үҙәк баҙарға тиклем йылға ярын төҙөкләндереү ҡаралған. Уҙған аҙнала ошо мәсьәләне урында өйрәнеү маҡсаты менән, Мәскәүҙән “Киңлек үҫеше үҙәге” компанияһынан йәш белгестәр килде. Башта улар төрлө яҡлап төҙөкләндереү урындарын, планын, программаһын ҡараны. Мәләүез йылғаһы яры буйлап экскурсияла йөрөнө. Шулай уҡ йәшәгән халыҡ һәм эксперттар менән әңгәмә ойошторҙо. Белгестәр һәм ҡала халҡының берҙәм эше менән йылға яры тәбиғәткә яҡын тағы ла бер ял урынына әйләнеренә ышанабыҙ.