Тауыш биреү көнө

Бөгөн ҡала биләмәһе советына һәм муниципаль район советына депутаттар һайлана. 2549-сы участкаһында тауыш биреү ғәҙәттәгесә ойошҡанлы уҙа. Был юлы ла санитар-эпидимиологик талаптарҙы һаҡлап уҙғарыла. Музыка мәктәбе уҡыусыһы Родион Ғүмәров ҡурайҙа башҡорт моңдарын башҡарҙы. Район хакимиәте башлығы Рөстәм Шәмсетдинов көндөң беренсе яртыһында һайлауға үҙ бурысын үтәргә килде. “Район-ҡала яҙмышы ошонда йәшәгәндәргә бәйле. Быны уйлаған һәр кеше һайлауға үҙ теләге менән килергә тейеш. Хәл ителәһе мәсьәләләр бик күп, депутаттарҙы ла үҙебеҙ өсөн һайлайбыҙ”, - тине ул.